Mae\u2019r gyfres newydd o gymwysterau adeiladu a pheirianneg gwasanaethau adeiladu yng Nghymru gan City and Guilds ac EAL wedi cael eu datblygu drwy weithio\u2019n agos gydag arbenigwyr blaenllaw i sicrhau eu bod yn cynnig llwybr dilyniant syml a chlir sy\u2019n paratoi dysgwyr ar gyfer astudiaethau pellach a symud ymlaen. Ar yr un pryd, maent yn helpu dysgwyr i ennill sgiliau a phrofiad o safon diwydiant, gan gefnogi datblygiad gyrfa a chreu cyfleoedd cyflogaeth yn y dyfodol.<\/p>\n\n\n\n
Mae\u2019r cymwysterau\u2019n cael eu darparu yng Ngholeg Pen-y-bont ar Ogwr yng Nghymru ar y cyd \u00e2\u2019r datblygwr, Persimmon Homes Wales. Mae myfyrwyr sydd wedi cwblhau\u2019r cymhwyster Sylfaen Lefel 2 mewn Adeiladu a Pheirianneg Gwasanaethau Adeiladu wedi symud ymlaen i brentisiaeth Lefel 3 gyda\u2019r datblygwr.<\/p>\n\n\n\n
Wrth drafod y diwygiadau, rhannodd Angharad Lloyd Beynon, Rheolwr Polisi, Rhanddeiliad a Phartneriaethau City and Guilds, ei barn am werth y cymwysterau diweddaraf:<\/p>\n\n\n\n
\u201cGydag EAL, rydyn ni\u2019n rhoi\u2019r sgiliau sydd eu hangen ar bobl i gael cyfleoedd yn y diwydiant adeiladu. Bydd y cymwysterau newydd hyn yn galluogi pobl i ddechrau gyrfa ym maes adeiladu gyda llwybrau dilyniant clir.\u201d<\/p>\n\n\n\n
Dechreuodd y cydweithio rhwng Coleg Pen-y-bont ar Ogwr a Persimmon Homes yn 2017 gyda 10 dysgwr i ddechrau, a thros y blynyddoedd mae\u2019r nifer hwnnw wedi cynyddu i gynnwys prentisiaethau gwaith coed a gosod brics. Dywedodd Pennaeth Cwricwlwm STEM yng Ngholeg Pen-y-bont ar Ogwr, Rachel Edmonds-Naish, sut y gall y newid sicrhau bod dysgwyr yn elwa mwy fyth ar eu hastudiaethau:<\/p>\n\n\n\n
\u201cMae\u2019r cymwysterau newydd hyn yn rhoi amrywiaeth ehangach o lawer o gyfleoedd i ddysgwyr nag o\u2019r blaen, ac yn rhoi sylw i\u2019r sector adeiladu, gwasanaethau adeiladu a pheirianneg. Yn hytrach na dysgu eu crefft yn unig, maen nhw\u2019n dysgu dwy grefft i ddechrau, ac am gyd-destun ehangach yr hyn mae\u2019n ei olygu i weithio yn y sector adeiladu.\u201d<\/p>\n\n\n\n
Mae Carl Davey, Cyfarwyddwr Ansawdd Rhanbarthol yn Persimmon Homes Cymru, wedi gweld \u00e2\u2019i lygaid ei hun sut mae cymwysterau Adeiladu a Pheirianneg Gwasanaethau Adeiladu wedi helpu i fynd ati\u2019n lleol i ddatblygu\u2019r gweithwyr talentog sydd eu hangen ar eu busnes, gan sicrhau model busnes cynaliadwy a chadw talent yn y sector hollbwysig hwn.<\/p>\n\n\n\n
\u201cRydyn ni wedi meithrin perthynas lwyddiannus \u00e2 Choleg Pen-y-bont ar Ogwr dros y blynyddoedd diwethaf, gan ymgysylltu \u00e2 myfyrwyr o raglenni llawn-amser a chynnig y cyfle iddynt symud ymlaen i\u2019r diwydiant drwy ein rhaglen brentisiaethau.\u201d<\/p>\n\n\n\n
Ychwanegodd Betty Lee, Prentis Saer yng Ngholeg Pen-y-bont ar Ogwr:<\/p>\n\n\n\n
\u201cByddwn yn argymell y cwrs sylfaen i bobl eraill oherwydd mae\u2019n ffordd dda o ddechrau arni ym maes adeiladu ac mae hefyd yn fan cychwyn os ydych chi eisiau symud ymlaen. Gallwch chi fynd ymlaen i wneud lefel dau, lefel tri, neu hyd yn oed fynd ymlaen wedyn i wneud cwrs rheoli. Rydw i\u2019n ystyried dilyn y cwrs rheoli, neu hyd yn oed ddechrau fy musnes fy hun.\u201d<\/p>\n\n\n\n
Mae\u2019n deg dweud bod dyfodol cymwysterau Adeiladu a Pheirianneg Gwasanaethau Adeiladu yng Nghymru bellach yn nwylo medrus ac uchelgeisiol iawn ei brentisiaid, gan osod sylfeini ar gyfer adeiladu o safon diwydiant ynghyd \u00e2 llwybrau gwell ar gyfer eu dyfodol disglair eu hunain.<\/p>\n\n\n\n