Mae’r cymhwyster City & Guilds Adeiladu (Lefel 2) – Sgaffaldio wedi’i lunio i alluogi dysgwyr mewn lleoliadau dysgu seiliedig ar waith i ddysgu a datblygu eu gwybodaeth, eu sgiliau a’u dealltwriaeth o sgaffaldio. Bydd dysgwyr hefyd yn datblygu eu dealltwriaeth o arferion gweithleoedd adeiladu yng Nghymru, gan gynnwys cynaliadwyedd ac ystyriaethau amgylcheddol.
Bydd y cymhwyster hwn, ynghyd â chadarnhad y cyflogwr, yn golygu y bydd modd profi bod dysgwyr yn alwedigaethol hyfedr.
Mae’n addas ar gyfer:
- dysgwyr 16 oed a hŷn sy’n gweithio yn y sector adeiladu ar hyn o bryd.
Bydd y cymhwyster yn galluogi dysgwyr i gynllunio a chyflawni prosiectau sgaffaldio, yn unol â safonau cenedlaethol cydnabyddedig, cyn adolygu ansawdd eu gwaith.
Mae’n cynnwys gwybodaeth a dealltwriaeth o’r canlynol:
- gweithio yn y sector adeiladu
- deddfwriaeth berthnasol
- canllawiau technegol ar sgaffaldio
- systemau sgaffaldio ac atal cwympiadau, a sgiliau mewn dehongli gwybodaeth, dewis a defnyddio adnoddau
- mabwysiadu arferion gwaith diogel, iach ac amgylcheddol gyfrifol
- sefydlu systemau diogelu rhag cwympo
- codi a datgysylltu gwahanol fathau o strwythurau sgaffaldiau gan gynnwys rhai annibynnol, cawell adar, cantilifer, tyrau symudol a sefydlog, lifft mynediad i gerddwyr a chyfrwy to.
Mae’r cymhwyster wedi’i lunio i gael ei gwblhau’n rhan-amser fel rhan o brentisiaeth. Cyn yr asesiadau, mae’n rhaid i ddysgwyr ddangos eu perfformiad a’u gallu yn gyntaf er mwyn sicrhau bod eu cyflogwr yn hapus.
Ar gael cyn bo hir – Prawf Enghreifftiol
Asesiadau Enghreifftiol ar y Sgrin – Sut mae trefnu a defnyddio’r profion enghreifftiol (PDF)
Ar gael cyn bo hir – Pecyn Asesu Sgaffaldio
Ar ôl cwblhau’r cymhwyster, ynghyd â chael cadarnhad o hyfedredd galwedigaethol gan gyflogwr a bodloni’r gofynion hyfforddi ac asesu a osodir gan Gynllun Cofnod Sgaffaldwyr y Diwydiant Adeiladu (CISRS), bydd gan ddysgwyr y sgiliau a’r wybodaeth sydd eu hangen arnynt i allu gweithio fel Sgaffaldwyr ledled y DU. Gall dysgwyr hefyd symud ymlaen i gymhwyster Sgaffaldiwr Uwch.
- Canllawiau i Cefnogi Canolfannau – Cefnogi canolfannau i ddarparu a sicrhau ansawdd cymwysterau Sgiliau i Gymru (Uploaded on 19/06/2026 at 02:30 pm)
- 8042: Interpreting Qualification Wales Construction ‘Test Reports’ / Dehongli ‘Adroddiadau Prawf’ Cymwysterau Cymru (Uploaded on 11/03/2022 at 01:11 pm)