Hysbysiad preifatrwydd

Cyflwyniad

Mae City & Guilds ac EAL wedi ymrwymo i ddiogelu data ac i brosesu data personol yn deg ac yn dryloyw. Mae’r hysbysiad preifatrwydd hwn (Hysbysiad) yn egluro sut mae City & Guilds yn trin data personol ymwelwyr â’r Wefan yn unol â’r ddeddf diogelu data berthnasol, gan gynnwys y Rheoliad Cyffredinol ar Ddiogelu Data (UE) 2016/679 (GDPR yr UE), GDPR y DU, a Deddf Diogelu Data 2018.

Os byddwch chi’n ymweld â’n Gwefan, darllenwch yr Hysbysiad hwn yn ofalus gan ei fod yn cynnwys gwybodaeth bwysig am bwy ydym ni, sut a pham rydym yn casglu, storio, defnyddio a rhannu eich data personol (prosesu), eich hawliau mewn perthynas â’ch data personol, sut i gysylltu â ni, a sut i gysylltu ag awdurdodau goruchwylio os hoffech chi roi gwybod am bryder am y ffordd rydym yn prosesu eich data personol.

Ydych chi’n ddysgwr sy’n awyddus i gael gwybod mwy am sut rydym yn prosesu eich data personol? Darllenwch ein hysbysiad preifatrwydd i ddysgwyr i gael gwybodaeth sy’n benodol i chi.

Ydych chi’n gwsmer sy’n awyddus i gael gwybod mwy am sut rydym yn prosesu eich data personol? Darllenwch ein hysbysiad preifatrwydd i gwsmeriaid i gael gwybodaeth sy’n benodol i chi.

Ydych chi’n Gydymaith, sy’n gweithio gyda City & Guilds, ac yn awyddus i gael gwybod mwy am sut rydym yn prosesu eich data personol? Darllenwch ein hysbysiad preifatrwydd i gymdeithion i gael gwybodaeth sy’n benodol i chi.

Ydych chi’n chwilio am wybodaeth am sut mae un o fusnesau City & Guilds yn prosesu eich data personol? Darllenwch hysbysiadau preifatrwydd ein cwmnïau eraill, sy’n cynnwys manylion hysbysiadau preifatrwydd ein holl gwmnïau eraill.

Pwy ydym ni?

Mae City & Guilds yn gweithredu ac yn berchen ar https://www.skillsforwales.wales/cy (Gwefan). Mae’r Hysbysiad hwn, ynghyd â thelerau defnyddio ein Gwefan ac unrhyw ddogfennau eraill y cyfeirir atynt yn y telerau, yn egluro ar ba sail y mae City & Guilds yn prosesu data personol drwy ein Gwefan, neu mewn perthynas â darparu gwybodaeth, cynnyrch a gwasanaethau i chi.

At ddibenion y ddeddf diogelu data berthnasol, gan gynnwys GDPR y DU a’r Ddeddf Diogelu Data, mae The City and Guilds of London Institute (“City & Guilds”) ac Excellence, Achievement and Learning Limited (“EAL”) yn ‘rheolydd data’ annibynnol ar gyfer y data personol rydych chi’n ei ddarparu i ni mewn perthynas â darparu cymwysterau galwedigaethol yng Nghymru drwy Ganolfannau Cymeradwy City & Guilds ac EAL.

Mae The City and Guilds of London Institute yn elusen sydd wedi’i hymgorffori gan Siarter Frenhinol, a rhifau cofrestru’r elusen yw 312832 (Cymru a Lloegr) ac SC039576 (yr Alban). Ein cyfeiriad cofrestredig yw Giltspur House, 5-6 Giltspur Street, Llundain, EC1A 9DE (City & Guilds, ni, neu ein).

Os oes gennych chi unrhyw ymholiadau am yr Hysbysiad hwn, am y ffordd y mae City & Guilds yn prosesu eich data personol, neu am arfer unrhyw un o’ch hawliau, gallwch anfon e-bost i dp@cityandguilds.com; neu ysgrifennu at Data Protection, City & Guilds, Giltspur House, 5-6 Giltspur Street, Llundain, EC1A 9DE.

Mae EAL yn gwmni sydd wedi’i ymgorffori yng Nghymru a Lloegr o dan rif cofrestru’r cwmni, sef 02700780.  Cyfeiriad swyddfa gofrestredig EAL yw Lytchett House, 13 Freeland Park, Wareham Road, Poole, Dorset, BH16 6FA. Gallwch gysylltu â nhw drwy anfon e-bost i GDPR@Enginuity.org neu ysgrifennu i’r cyfeiriad canlynol: The Head of Governance and Regulation, Data Protection, Lytchett House, 13 Freeland Park, Wareham Road, Poole, Dorset, BH16 6FA.

Pa ddata personol rydym ni’n ei gasglu?

Mae’n bosibl y byddwn yn casglu ac yn prosesu’r data personol canlynol:

Data personol rydych chi’n ei roi i ni:

Os byddwch chi’n:

  • llenwi ffurflen ar ein Gwefan;
  • llenwi arolwg;
  • gohebu â ni dros y ffôn, drwy e-bost, neu’n ysgrifenedig;
  • mynd i ddigwyddiad a drefnir gennym ni neu gan sefydliadau eraill;
  • dilyn cwrs neu fodiwl e-ddysgu a gynigir gennym ni;
  • rhoi gwybod am broblem;
  • cofrestru i dderbyn ein gohebiaeth;
  • creu cyfrif gyda ni;
  • ymrwymo i gontract gyda ni i dderbyn cynhyrchion a/neu wasanaethau;
  • gwneud ymholiadau gwerthu;
  • rhyngweithio’n gymdeithasol â ni drwy gyfryngau cymdeithasol;
  • mae’n bosibl y byddwn yn casglu eich enw, cyfeiriad e-bost, cyfeiriad post, rhif ffôn, enw’r sefydliad a/neu swydd.

Data personol rydym yn ei gasglu amdanoch chi

Os byddwch yn ymweld â’n Gwefan, mae’n bosibl y byddwn yn casglu’r data a/neu’r wybodaeth bersonol ganlynol yn awtomatig:

  • gwybodaeth dechnegol, gan gynnwys cyfeiriad protocol y rhyngrwyd (IP) a ddefnyddir i gysylltu’ch cyfrifiadur â’r Rhyngrwyd, gwybodaeth mewngofnodi, y math o borwr a’r fersiwn, gosodiad cylchfa amser, mathau o ategion porwr a’r fersiynau, llwyfan a system weithredu; a
  • gwybodaeth am eich ymweliad â’n Gwefan, fel y cynnyrch a/neu’r gwasanaethau y gwnaethoch chwilio amdanynt a’u gweld, amseroedd ymateb tudalennau, gwallau llwytho i lawr, hyd ymweliadau â thudalennau penodol, gwybodaeth am y ffordd y gwnaethoch chi ddefnyddio tudalennau (fel sgrolio, clicio, a hofran y llygoden), a dulliau a ddefnyddiwyd i adael y dudalen.

Data personol rydym yn ei dderbyn gan ffynonellau eraill

Mae’n bosibl y byddwn hefyd yn derbyn data personol amdanoch os ydych chi’n defnyddio unrhyw un o’r gwefannau eraill rydym ni, neu un o’r cwmnïau eraill ym musnes City & Guilds, neu’r gwasanaethau a/neu’r cynhyrchion eraill rydym ni, neu gwmni arall ym musnes City & Guilds, yn eu darparu. Mae rhagor o wybodaeth am fusnes City & Guilds ar gael yma.

Rydym yn gweithio’n agos gyda’n cwmnïau cysylltiedig, gan gynnwys ar brosesu data personol – darllenwch hysbysiadau preifatrwydd ein cwmnïau eraill i gael gwybod mwy.

Os ydych chi’n diwtor, yn brentis neu’n ddysgwr, mae’n bosibl y byddwn hefyd yn derbyn data personol amdanoch gan ganolfan, cwsmer, cyflogwr, darparwr cyflogwr, neu ddarparwr hyfforddiant cysylltiedig, pan fyddan nhw’n cofrestru i dderbyn cynnyrch a/neu wasanaethau gennym ni.

Data personol am bobl eraill

Os byddwch yn darparu data personol i ni am unrhyw un ar wahân i chi’ch hun, fel eich perthnasau, perthynas agosaf, cynghorwyr neu gyflenwyr, rhaid i chi sicrhau eu bod yn deall sut bydd eu data personol yn cael ei brosesu, a’u bod wedi caniatáu i chi ddatgelu’r data i ni ac i ganiatáu i ni, a’n darparwyr gwasanaeth trydydd parti, ei brosesu.

Data categori arbennig

Mae’n bosibl y byddwn hefyd yn casglu a/neu’n derbyn data categori arbennig, fel data am eich iechyd meddwl neu gorfforol, neu am gyflwr corfforol neu feddyliol sydd gennych chi. Er enghraifft, mae’n bosibl y byddwn yn casglu a/neu’n derbyn data categori arbennig i’n galluogi i weinyddu ceisiadau am addasiadau rhesymol, neu mewn perthynas ag ymchwiliad, cwyn neu apêl.

Sut ydym ni’n defnyddio eich data personol?

Pan fyddwn yn gofyn i chi roi data personol i ni, byddwn yn dweud yn glir a oes rhaid i’r data personol rydym yn gofyn amdano gael ei ddarparu er mwyn i ni allu darparu unrhyw gynnyrch a/neu wasanaethau i chi, neu a allwch chi ddewis peidio â darparu unrhyw ddata personol rydym yn gofyn amdano.

Mewn rhai amgylchiadau, rydym yn rhannu data personol o fewn busnes City & Guilds, gan gynnwys cwmnïau City & Guilds sydd wedi’u cofrestru yn y DU a thu hwnt, er mwyn cynnal a gwella gwasanaethau nawr ac yn y dyfodol, y ffordd rydym yn ymgysylltu â chwsmeriaid, a chyfleoedd gwerthu ar draws ein busnes. Darllenwch hysbysiadau preifatrwydd ein cwmnïau eraill i gael gwybod mwy.

Mae unrhyw fynediad a rennir at ddata personol yn rhwym wrth gyfyngiadau cyfreithiol a chontractiol.

Cyflawni contract: mae’n bosibl y byddwn yn prosesu eich data personol i gyflawni contract, neu i gymryd camau sy’n gysylltiedig â chontract, gan gynnwys:

  • darparu cynhyrchion a/neu wasanaethau i chi;
  • cyfathrebu â chi mewn perthynas â darparu cynhyrchion a/neu wasanaethau dan gontract; a
  • rhoi cymorth gweinyddol i chi, fel creu cyfrif, diogelwch, ac ymateb i broblemau.

Buddiannau dilys: mae’n bosibl y byddwn yn prosesu eich data personol pan fydd hynny’n angenrheidiol er mwyn sicrhau ein buddiannau dilys ein hunain, neu fuddiannau dilys trydydd parti, gan gynnwys:

  • cyfathrebu â chi mewn perthynas ag unrhyw broblemau, cwynion, neu anghydfod;
  • datblygu, gwella yn ogystal â marchnata a hysbysebu cynhyrchion a/neu wasanaethau a gynigir gennym ni neu gan aelod arall o fusnes City & Guilds;
  • trefnu i chi gael cydnabyddiaeth ddigidol pan fyddwch wedi cwblhau cwrs neu fodiwl e-ddysgu’n llwyddiannus neu wedi bod mewn digwyddiad, neu i gydnabod cyflawniad;
  • gwella ansawdd y profiad pan fyddwch yn defnyddio ein cynnyrch a/neu ein gwasanaethau, gan gynnwys profi perfformiad ein Gwefan a’ch profiad ohoni fel cwsmer;
  • dadansoddi data gwerthu/marchnata, gan bennu effeithiolrwydd ymgyrchoedd hyrwyddo; ac
  • atal a chanfod troseddau a/neu gynorthwyo i arestio neu erlyn troseddwyr.

Mae’n bosibl y byddwn hefyd yn prosesu eich data personol yn unol â’n buddiannau dilys er mwyn darparu cylchlythyrau, arolygon neu wybodaeth i chi am ein dyfarniadau a’n digwyddiadau, ein cynigion a’n hyrwyddiadau, sy’n ymwneud â chynnyrch a/neu wasanaethau a gynigir gennym ni neu gan gwmni arall ym musnes City & Guilds, a allai fod o ddiddordeb i chi. Pan fyddwch yn cael gohebiaeth o’r fath gennym ni am farchnata, gallwch newid eich dewisiadau neu ddad-danysgrifio o negeseuon marchnata ar unrhyw adeg drwy glicio’r ddolen dad-danysgrifio mewn e-bost gennym ni.

Cofiwch fod gennych hawl i wrthwynebu i’ch data personol gael ei brosesu ar sail buddiannau dilys fel y nodir isod, o dan y pennawd Eich hawliau.

Pan fydd hynny’n ofynnol yn ôl y gyfraith:  cawn hefyd brosesu eich data personol os yw hynny’n ofynnol yn ôl y gyfraith.

Cydsyniad: mae’n bosibl y byddwn yn prosesu eich data categori arbennig pan fyddwch wedi rhoi cydsyniad penodol i ni wneud hynny.

O ran data categori arbennig, mae’n bosibl y byddwn hefyd yn prosesu data o’r fath os yw hynny’n angenrheidiol er mwyn cydymffurfio â chyfrifoldebau cyfreithiol (fel addasiadau rhesymol), am resymau sy’n ymwneud â budd sylweddol i’r cyhoedd, gan gynnwys atal neu ganfod gweithredoedd anghyfreithlon, neu er mwyn cydymffurfio – neu helpu trydydd partïon i gydymffurfio – ag unrhyw ofynion rheoleiddio sy’n ymwneud ag ymchwilio i weithredoedd anghyfreithlon, anonestrwydd neu gamymarfer.

Gyda phwy rydym yn rhannu eich data personol?

Mae’n bosibl y byddwn yn rhannu eich data personol â darparwyr gwasanaeth trydydd parti dibynadwy, gan gynnwys:

  • cynghorwyr cyfreithiol a phroffesiynol eraill, ymgynghorwyr, ac arbenigwyr proffesiynol;
  • darparwyr gwasanaethau sy’n cyflawni gwaith dan gontract i ni mewn perthynas â’n Gwefan neu’n darparu gwybodaeth, cynnyrch a gwasanaethau, fel darparwyr gwasanaethau TG a gwasanaethau rheoli cysylltiadau â chwsmeriaid;
  • llwyfan ein partner cydnabyddiaeth ddigidol, a’n
  • darparwyr dadansoddeg a pheiriannau chwilio sy’n ein helpu i wella ac optimeiddio ein Gwefan.

Byddwn yn sicrhau bod contract ar waith gyda darparwyr gwasanaethau trydydd parti o’r fath sy’n cynnwys rhwymedigaethau i ofalu bod unrhyw ddata personol a rennir â nhw yn cael ei ddiogelu, ei gadw’n gyfrinachol a’i brosesu’n gyfreithlon, a rhwymedigaethau sy’n cynnal eich hawliau a’ch rhyddid mewn perthynas â data personol.

Pan fydd derbynnydd trydydd parti wedi’i leoli y tu allan i’r DU, yr Ardal Economaidd Ewropeaidd neu unrhyw wlad neu diriogaeth gymeradwy arall, byddwn yn sicrhau bod y broses o drosglwyddo data personol yn cael ei diogelu gan fesurau diogelu priodol, gan gynnwys cytundeb trosglwyddo data rhyngwladol y DU a/neu gymalau contractiol safonol yr UE, fel y bo’n berthnasol.

Mae’n bosibl y byddwn yn rhannu eich data personol â chwmnïau ym musnes City & Guilds, gan gynnwys cwmnïau City & Guilds sydd wedi cofrestru yn y DU a thu hwnt. Darllenwch hysbysiadau preifatrwydd ein cwmnïau eraill i gael gwybod mwy.

Mae’n bosibl y byddwn hefyd yn rhannu data personol (gan gynnwys unrhyw ddata categori arbennig) ag awdurdodau gorfodi’r gyfraith neu awdurdodau neu asiantaethau eraill os yw hynny’n ofynnol yn ôl y gyfraith, neu pan fyddwn o’r farn bod hynny’n angenrheidiol er mwyn sicrhau ein buddiannau dilys. Gallai hyn gynnwys y canlynol – nid yw’r rhestr hon yn gyflawn: ymateb i geisiadau am wybodaeth gan awdurdodau neu asiantaethau o’r fath, neu rannu gwybodaeth â nhw mewn perthynas â’n prosesau sicrhau ansawdd, ymchwiliadau, cwynion neu apeliadau.

Pan fydd data personol yn cael ei rannu ag awdurdod cyhoeddus, dylech fod yn ymwybodol y bydd yn ddarostyngedig i Ddeddf Rhyddid Gwybodaeth 2000, ac y gallai ddod o fewn cwmpas unrhyw gais Rhyddid Gwybodaeth yn y dyfodol a gyflwynir i awdurdod cyhoeddus o’r fath.

Am faint y byddwn yn cadw eich data personol?

Byddwn yn cadw eich data personol drwy gydol unrhyw gontract rhyngom. Wedi hynny, byddwn yn cadw data personol er mwyn:

  • darparu gwybodaeth am eich perthynas â City & Guilds;
  • ymateb i unrhyw gwestiynau, cwynion neu honiadau a wneir gennych chi, ar eich rhan neu amdanoch chi;
  • cydymffurfio ag unrhyw ofynion cadw cofnodion gan drydydd parti perthnasol (ee, gofynion rheoleiddiwr); a
  • chydymffurfio ag unrhyw ofynion archwilio, contractiol, cyfreithiol, a rheoleiddiol eraill, neu unrhyw orchmynion gan lysoedd neu awdurdodau cymwys.

Byddwn hefyd yn cadw data personol sy’n ymwneud â’n prosesau sicrhau ansawdd, ymchwiliadau, apeliadau a chwynion, er mwyn cydymffurfio â gofynion archwilio, contractiol, cyfreithiol a rheoleiddiol eraill perthnasol, neu unrhyw orchmynion gan lysoedd neu awdurdodau cymwys.

Nid yw City & Guilds yn cadw data personol am gyfnod hirach na’r hyn sy’n angenrheidiol at y dibenion uchod.

Sut rydym yn defnyddio eich data personol?

Rydym yn cymryd pob cam rhesymol i sicrhau ein bod ni, a’n darparwyr gwasanaeth trydydd parti, yn diogelu eich data personol. Mae hyn yn cynnwys sicrhau bod ein staff yn ymwybodol o’u rhwymedigaethau diogelu gwybodaeth, darparu hyfforddiant, a chyfyngu mynediad at eich data personol i ddim ond staff sydd angen ei weld at ddibenion busnes gwirioneddol.

Rydym hefyd yn cymryd camau rhesymol i ddiogelu eich data personol rhag cael ei golli neu ei ddinistrio, ac mae gennym weithdrefnau ar waith i ddelio ag unrhyw amheuaeth o dorri amodau diogelu data. Byddwn yn rhoi gwybod i chi ac unrhyw reoleiddiwr perthnasol am unrhyw amheuaeth o dorri amodau diogelu data pan fydd rhaid i ni wneud hynny yn ôl y gyfraith.

Ar ben hynny, mae ein proses rheoli prosiectau a rheoli newid yn cynnwys asesiad strwythuredig o risgiau yn ymwneud â phreifatrwydd data a diogelu data. Nod y broses hon yw sicrhau bod yr holl newidiadau arfaethedig a wneir i system City & Guilds o bryd i’w gilydd yn cyd-fynd yn llawn â gofynion diogelu data ac arferion da i gynnal hawliau a rhyddid gwrthrychau’r data mewn perthynas â data personol.

Cofiwch, os oes gennych chi fel ymwelydd â’r Wefan enw defnyddiwr neu gyfrinair (neu wybodaeth adnabod arall) sy’n eich galluogi i gael mynediad at rai gwasanaethau neu rannau o’n Gwefan, chi sy’n gyfrifol am gadw’r cyfrinair hwn yn gyfrinachol. Gofynnwn i chi beidio â rhannu cyfrineiriau ag unrhyw un.

Yn anffodus, nid yw’r broses o drosglwyddo gwybodaeth dros y rhyngrwyd yn un gwbl ddiogel. Er y byddwn yn gwneud ein gorau i ddiogelu eich data personol, ni allwn warantu diogelwch y data personol sy’n cael ei drosglwyddo i’n Gwefan; os byddwch chi’n trosglwyddo unrhyw ddata personol, rydych chi’n gwneud hynny ar eich risg eich hun. Ar ôl i ni dderbyn eich data personol, byddwn yn defnyddio gweithdrefnau llym a nodweddion diogelwch i geisio atal mynediad heb awdurdod.

Eich hawliau

O dan y ddeddf diogelu data berthnasol, mae gennych wahanol hawliau mewn perthynas â’n gwaith o brosesu eich data personol:

Hawl Mynediad

Mae gennych hawl i ofyn am gopi o’r data personol sydd gennym amdanoch, drwy gysylltu â ni gan ddefnyddio’r cyfeiriad e-bost neu’r cyfeiriad post a nodwyd isod. Cofiwch gynnwys gwybodaeth gyda’ch cais a fydd yn ein galluogi i gadarnhau pwy ydych chi. Byddwn yn ymateb o fewn mis i’r cais. Cofiwch fod eithriadau i’r hawl hon. Mae’n bosibl na fyddwn yn gallu darparu’r holl ddata i chi os, er enghraifft, y byddai darparu’r data i chi yn datgelu data personol am berson arall, os yw’r gyfraith yn ein hatal rhag datgelu data o’r fath, os nad oes sail dros eich cais, neu os yw eich cais yn ormodol.

Yr hawl i gywiro

Ein nod yw cadw eich data personol yn gywir, yn gyfredol ac yn gyflawn. Rydym yn eich annog i gysylltu â ni gan ddefnyddio’r manylion cyswllt isod i roi gwybod i ni os oes unrhyw ran o’ch data personol yn anghywir neu os bydd yn newid, er mwyn i ni allu diweddaru eich data personol.

Yr hawl i ddileu

Mae gennych hawl i ofyn am gael dileu eich data personol os, er enghraifft, nad yw’r data personol bellach yn angenrheidiol at y dibenion y cafodd ei gasglu, os byddwch chi’n tynnu’n ôl eich caniatâd iddo gael ei brosesu, os nad oes buddiant dilys trechol i ni barhau i brosesu eich data personol, neu os yw eich data personol wedi cael ei brosesu’n anghyfreithlon. Os hoffech chi wneud cais i’ch data personol gael ei ddileu, cysylltwch â ni gan ddefnyddio’r manylion cyswllt isod.

Yr hawl i wrthwynebu

Mewn rhai amgylchiadau, mae gennych hawl i wrthwynebu i’ch data personol gael ei brosesu – er enghraifft, pan fydd eich data personol yn cael ei brosesu ar sail buddiannau dilys ac nad oes buddiant dilys trechol i ni barhau i brosesu eich data personol, neu os yw eich data’n cael ei brosesu at ddibenion marchnata uniongyrchol. Os hoffech chi wrthwynebu i’ch data personol gael ei brosesu, cysylltwch â ni gan ddefnyddio’r manylion cyswllt isod.

Yr hawl i gyfyngu ar brosesu

Mewn rhai amgylchiadau, mae gennych hawl i ofyn i ni gyfyngu ar brosesu eich data personol ymhellach. Mae’r hawl hon yn codi pan fyddwch chi, er enghraifft, wedi cwestiynu cywirdeb y data personol sydd gennym amdanoch a’n bod ni’n gwirio’r data personol, pan fyddwch chi wedi gwrthwynebu prosesu ar sail buddiannau dilys a’n bod ni’n ystyried a oes unrhyw fuddiannau dilys trechol, neu pan fydd y prosesu’n digwydd yn anghyfreithlon a’ch bod chi’n dewis cyfyngu ar brosesu yn hytrach na dileu. Os hoffech chi wneud cais o’r fath, cysylltwch â ni gan ddefnyddio’r manylion cyswllt isod.

Yr hawl i gludadwyedd data

Mewn rhai amgylchiadau mae gennych hawl i ofyn a fyddai modd i rywfaint o’ch data personol gael ei ddarparu i chi, neu i ‘reolydd’ arall, mewn fformat cyffredin y gall peiriant ei ddarllen. Mae’r hawl hon yn codi pan fyddwch wedi darparu eich data personol i ni, gyda’r prosesu’n seiliedig ar gydsyniad neu gyflawni contract, a’r prosesu’n digwydd drwy ddulliau awtomatig. Os hoffech chi wneud cais o’r fath, cysylltwch â ni gan ddefnyddio’r manylion cyswllt isod.

Cofiwch fod deddfau diogelu data perthnasol yn nodi eithriadau i’r hawliau hyn. Os na allwn gydymffurfio â’ch cais oherwydd eithriad, byddwn yn egluro hyn i chi yn ein hymateb.

Cysylltu

Os oes gennych chi unrhyw ymholiadau am yr Hysbysiad hwn, am y ffordd y mae City & Guilds yn prosesu data personol drwy ein Gwefan, neu am arfer unrhyw un o’ch hawliau, gallwch anfon e-bost i dp@cityandguilds.com; neu ysgrifennu at Data Protection, City & Guilds, Giltspur House, 5-6 Giltspur Street, Llundain, EC1A 9DE.

Cwynion

Os ydych chi’n credu bod eich hawliau diogelu data wedi cael eu tanseilio, ac nad ydym wedi gallu lleddfu eich pryder, gallwch gyflwyno cwyn i’r awdurdod goruchwylio perthnasol neu geisio unioni’r sefyllfa drwy’r llysoedd. Ewch i wefan Swyddfa Comisiynydd Gwybodaeth y DU i gael rhagor o wybodaeth am sut i roi gwybod am bryder.

Newidiadau i’n Hysbysiad

Bydd unrhyw newidiadau a wnawn i’n Hysbysiad yn y dyfodol yn cael eu nodi ar y Wefan hon a, phan fydd yn briodol, byddwn yn rhoi gwybod i chi drwy e-bost. Cofiwch daro golwg ar y Wefan yn gyson i weld unrhyw ddiweddariadau neu newidiadau i’n Hysbysiad.

Diweddarwyd y dudalen hon ddiwethaf ar 20/10/2025.

This page was last updated on 20/10/2025 at 10:43 am