Mae gennym ni ddetholiad o rolau ar gael i weithio fel cyswllt i gefnogi’r gwaith o ddarparu cymwysterau Adeiladu City & Guilds yng Nghymru.
Dyma’r rolau sydd ar gael:
- Swyddogion Sicrhau Ansawdd Allanol (EQA)
- Aseswyr Allanol (EA)
Mae’r holl rolau sydd ar gael i’w gweld ar wefan City & Guilds.
Rhagor o wybodaeth a gwneud cais (Byddwch yn mynd i dudalen we swyddi gwag Sicrhau Ansawdd Allanol City & Guilds)
Swyddogion Sicrhau Ansawdd Allanol (EQA)
Mae Swyddogion Sicrhau Ansawdd Allanol yn cefnogi ac yn monitro’r gwaith o ddarparu ein cymwysterau o ansawdd uchel. Bydd y Swyddogion Sicrhau Ansawdd Allanol yn cynnal perthynas waith effeithiol â chanolfannau a City & Guilds, yn ogystal â’r gwaith o gynllunio a monitro sicrwydd ansawdd yn unol â’n gofynion a’n polisïau cymwysterau.
Manteision dod yn Swyddog Sicrhau Ansawdd Allanol
- Gweithio’n hyblyg o amgylch eich rôl bresennol
- Hyfforddiant a chefnogaeth gynhwysfawr
- Cyfle i gyfrannu at broffesiynoli’r sector
Bydd angen y sgiliau a’r profiad canlynol ar Swyddogion Sicrhau Ansawdd Allanol
- Y gallu i weithio drwy gyfrwng y Gymraeg
- Cymwysterau D32, 33 a 34 neu gymwysterau A1 a V1 neu’r TAQA Asesydd a Swyddog Sicrhau Ansawdd Mewnol
- Cymhwyster Swyddog Sicrhau Ansawdd Allanol D35 neu V2 neu TAQA, neu’n barod i weithio tuag at hyn
- Yn alwedigaethol gymwys ac yn gyfredol yn y meysydd portffolio, gyda sicrwydd ansawdd allanol, yn unol â gofynion cymwysterau/asesu
- Profiad o weithio mewn amgylchedd rheoledig, yn unol â gofynion sicrhau ansawdd
- Profiad o hyfforddi a datblygu
- Profiad amlwg o ysgrifennu adroddiadau a chynlluniau gweithredu clir, cywir a chryno
- Trwydded yrru neu fynediad at rwydweithiau trafnidiaeth allweddol a dibynadwy
Gwybodaeth am rôl Aseswyr Allanol
Prif rolau a chyfrifoldebau Asesydd Allanol yw
- Rhoi cyngor a chefnogaeth i’r tîm Sicrhau Ansawdd a Chyflawni
- Cymryd rhan mewn gweithgareddau safoni i sicrhau dull cyson o Asesu Allanol
- Cynnal gwybodaeth drylwyr o bolisïau a gweithdrefnau City & Guilds
Gofynion sylfaenol y Rôl Asesydd Allanol
- Cymhwysedd galwedigaethol o weithio yn y diwydiant Adeiladu a Pheirianneg Gwasanaethau Adeiladu, o leiaf, ar yr un lefel â’r cymhwyster rydych chi’n asesu’n allanol ar ei gyfer
- Bod yn gymwys yn alwedigaethol yn llwybr penodol y cymhwyster rydych chi’n ei asesu – mae hyn yn golygu bod yn rhaid i bob asesydd allu cyflawni’r gofynion llawn yn unedau cymhwysedd y llwybr rydych chi’n ei asesu. Mae cymhwysedd galwedigaethol yn golygu eich bod yn hyddysg yn yr alwedigaeth hefyd
- Tystiolaeth o gynnal gwybodaeth gyfredol i gynnwys Damcaniaethau, modelau a dulliau gweithredu, deddfwriaeth, polisi cenedlaethol, a gofynion rheoliadol
- Dyfarniad Lefel 3 mewn Asesu Cyflawniad Cysylltiedig â Galwedigaeth neu gymwysterau etifeddiaeth cyfwerth
- Cofnod cyfredol a thystiolaeth o ddatblygiad proffesiynol parhaus galwedigaethol perthnasol ar yr un lefel neu’n uwch na’r cymhwyster y byddwch yn ei asesu’n allanol
- Sgiliau ysgrifennu adroddiadau rhagorol a chryno
- Sgiliau trefnu rhagorol, gallu blaenoriaethu’n effeithiol
- Sgiliau cyfathrebu rhagorol ar lafar ac ar bapur gyda phrofiad o ddarparu adborth cefnogol a chryno i ddysgwyr, aseswyr a staff cyflenwi
- Hyblygrwydd i deithio ledled Cymru
- Ymwybyddiaeth o’r Gymraeg a dealltwriaeth o ddiwylliant, polisi a chyd-destun Cymru
Gwnewch gais heddiw – Rhagor o wybodaeth a gwneud cais (Byddwch yn mynd i dudalen we swyddi gwag Sicrhau Ansawdd Allanol City & Guilds)
This page was last updated on 22/11/2023 at 14:18 pm