Ar gael o fis Medi 2022 ymlaen
Bydd y cymhwyster Lefel 3 Peirianneg Gwasanaethau Adeiladu – Gosod Electro-dechnegol yn cael ei gymryd fel rhan o brentisiaeth. Mae’n galluogi dysgwyr i ddangos ystod eu gwybodaeth, eu sgiliau a’u dealltwriaeth alwedigaethol ym maes gosod systemau ac offer electro-dechnegol.
Fe’i hanelir at ddysgwyr sydd un ai wedi ennill y cymhwyster Sylfaen mewn Adeiladu a Pheirianneg Gwasanaethau Adeiladu, neu a fydd yn cwblhau’r asesiadau a’r dysgu Sylfaen yn ystod eu prentisiaeth. Bydd y cymhwyster hwn yn galluogi dysgwyr i fynd ymlaen i astudio cyrsiau peirianneg gwasanaethau adeiladu Lefel 3 eraill sy’n berthnasol i’r grefft.
Mae’n addas ar gyfer:
- dysgwyr 16+ oed sy’n gweithio yn y sector peirianneg gwasanaethau adeiladu ar hyn o bryd
- dysgwyr sydd un ai wedi ennill y cymhwyster Sylfaen mewn Adeiladu a Pheirianneg Gwasanaethau Adeiladu neu a fydd yn cwblhau’r asesiadau a’r dysgu Sylfaen yn ystod eu prentisiaeth.
Os yw’n cael ei gymryd fel rhan o brentisiaeth, yna mae’n rhaid bodloni gofynion penodol fel rhan o’r fframwaith prentisiaeth.
Nid oes gofynion mynediad ffurfiol o ran Saesneg a mathemateg ar gyfer y cymwysterau hyn. Ond mae disgwyl y bydd gan ddysgwyr ddealltwriaeth sylfaenol dda o Saesneg a mathemateg. Rydym yn argymell bod dysgwyr yn datblygu rhagor o sgiliau Saesneg a mathemateg ffurfiol, fel Sgiliau Hanfodol neu TGAU i gefnogi eu cynnydd llwyddiannus gyda’r rhaglen hon.
Bydd dysgwyr yn datblygu eu gwybodaeth, eu sgiliau a’u dealltwriaeth o’r grefft, fel y’u cynhwysir yn y safonau cydnabyddedig.
Bydd dysgwyr yn treulio llawer o’u hamser ar yr unedau o’u dewis a byddant hefyd yn ymgymryd ag unedau sy’n cwmpasu Peirianneg Gwasanaethau Adeiladu Cymru a Chynllunio a Gwerthuso Ymarfer Gwaith yng Nghymru.
Bydd modd defnyddio’r cymhwyster ledled y DU a’i nod yw datblygu gallu dysgwyr i fodloni gofynion y sector peirianneg a gwasanaethau adeiladu yng Nghymru.
Mae’r cymhwyster wedi’i gynllunio i’w gwblhau’n rhan-amser o fewn prentisiaeth. Cyn gwneud yr asesiadau, mae’n rhaid i ddysgwyr ddangos eu perfformiad a’u gallu yn gyntaf er mwyn sicrhau bod cyflogwyr yn hapus.
Mae’r gwahanol bwyntiau mynediad i’r cymhwyster hwn yn golygu bod y llwybrau asesu’n amrywio. Efallai y bydd yn rhaid i’r dysgwr hefyd ddilyn yr asesiadau a’r dysgu Sylfaen mewn Adeiladu a Pheirianneg Gwasanaethau Adeiladu yn ystod ei brentisiaeth os nad yw wedi’i gyflawni’n barod.
Os yw’r dysgwr wedi ennill y cymhwyster Dilyniant mewn Peirianneg Gwasanaethau Adeiladu (Lefel 2) yn yr un llwybr crefft, mae’n rhaid iddo gwblhau’r canlynol yn llwyddiannus:
- dau brawf aml-ddewis sydd wedi’u gosod a’u marcio’n allanol
- Prawf Diogelwch Critigol, wedi’i osod yn allanol a’i farcio’n fewnol (asesiadau ymarferol)
- un Prosiect Ymarferol wedi’i osod gan y cyflogwr, a’i farcio’n fewnol yn y maes crefft
- un Drafodaeth Broffesiynol wedi’i marcio’n allanol.
Os bydd y dysgwr yn dilyn y cymhwyster Lefel 3 hwn fel rhan o’i brentisiaeth heb ennill y cymhwyster Dilyniant mewn Peirianneg Gwasanaethau Adeiladu (Lefel 2) yn yr un llwybr crefft, mae’n rhaid iddyn nhw gwblhau’r canlynol yn llwyddiannus:
- tri phrawf aml-ddewis sydd wedi’u gosod a’u marcio’n allanol
- Prawf Diogelwch Critigol, wedi’i osod yn allanol a’i farcio’n fewnol (asesiadau ymarferol)
- un Prosiect Ymarferol wedi’i osod gan y cyflogwr, a’i farcio’n fewnol yn y maes crefft
- un Drafodaeth Broffesiynol wedi’i marcio’n allanol.
Ar ôl ei gwblhau, bydd y cymhwyster (a’r prentisiaeth), yn rhoi’r sgiliau a’r wybodaeth sy’n ofynnol i ddysgwyr allu gweithio o fewn crefft o’u dewis ledled y DU.
- Peirianneg Gwasanaethau Adeiladu – Gosod Electro-dechnegol – Llawlyfr Cymwysterau (Uploaded on 15/11/2022 at 04:47 pm)
- Peirianneg Gwasanaethau Adeiladu – Gosod Electro-dechnegol – Canllaw cadarnhad y cyflogwr (Uploaded on 30/08/2022 at 10:44 am)
- Peirianneg Gwasanaethau Adeiladu – Gosod Electrodechnegol – RPL Mapping (Uploaded on 09/02/2023 at 08:48 am)
- Canllawiau Cefnogi Canolfannau – Cefnogi canolfannau i ddarparu a sicrhau ansawdd cymwysterau Sgiliau i Gymru (Uploaded on 24/05/2023 at 07:35 am)
Related qualfications