Prentisiaethau: Drafftiau Cyn Cyhoeddi

Cyfle cynnar i weld er mwyn cynorthwyo gyda gwaith cynllunio eich canolfan

Er mwyn helpu ein canolfannau partner i baratoi at y diwygiadau galwedigaethol sydd ar y gweill yng Nghymru, mae City and Guilds yn rhoi mynediad cynnar at fersiynau drafft o lawlyfrynnau cymwysterau a Chanllawiau Cadarnhad Cyflogwyr ar gyfer cymwysterau newydd y Brentisiaeth Adeiladu Lefel 2.

Mae’r dogfennau hyn yn cael eu rhannu at ddibenion gwybodaeth yn unig. Maent yn cynnig golwg ragarweiniol ar y strwythurau a’r gofynion arfaethedig i’ch helpu chi i ddeall cyfeiriad y llwybr newydd.

Pwysig: Statws y Ddogfen

Cofiwch mai dogfennau DRAFFT yw’r rhain. Gallent newid, ac nid ydynt wedi’u cwblhau’n derfynol eto. Ni ddylid defnyddio’r deunyddiau hyn i addysgu, dysgu nac i asesu ar hyn o bryd.

Dogfennau Drafft i Gyfeirio Atynt

Fersiynau Cymraeg yn dod yn fuan.

Y Camau Nesaf a Chyhoeddi Terfynol

Rydym ni’n gweithio’n agos â Chymwysterau Cymru i gwblhau’r cyfresi hyn yn derfynol. Ar ôl iddynt gael eu cymeradwyo, bydd y fersiynau terfynol yn cael eu cyhoeddi, ac fe wnawn ni roi gwybod i chi.

Mae disgwyl i’r Llawlyfrau Terfynol gael eu cyhoeddi ym mis Medi 2026.

Cysylltu â’r Tîm

Os oes gennych gwestiynau ynghylch yr amserlen pontio neu sut y gallai’r drafftiau hyn effeithio ar eich cwricwlwm yn y dyfodol – tîm Cymorth Cwsmeriaid drwy e-bost: skillsforwales.customer@cityandguilds.com neu rif ffôn: 01924 930800.

Cyfeiriwch at y dudalen Cwestiynau Cyffredin bwrpasol am ragor o wybodaeth.

Croeso i gasgliad gwerthfawr o adnoddau o’r Digwyddiad Arferion Da a gynhaliwyd yn y Drenewydd ar 21 Mehefin. Cyflwynwyd yr adnoddau hyn yn ystod sesiynau grŵp ar ddau destun pwysig: “Adnoddau Dwyieithog ar gyfer y Cymhwyster Sylfaen trwy Moodle” a “Datblygu Adnoddau Lefel 3,” dan arweiniad ein cydweithwyr o Grŵp NPTC.

Mae casgliad o offer a fydd o ddefnydd i’r rhai sy’n ymwneud â dysgu’r cymhwyster Sylfaen, gan gynnwys cwisiau er mwyn profi gwybodaeth, deunyddiau cymorth ar gyfer cynllunio a gosod targedau, a chyflwyniadau PowerPoint ar gyfer yr unedau cyffredin gorfodol. Lluniwyd yr adnoddau hyn i gefnogi’r gwaith o gyflwyno’r cymhwyster yn Gymraeg.

Croeso i gasgliad gwerthfawr o adnoddau o’r Digwyddiad Arferion Da a gynhaliwyd yn y Drenewydd ar 21 Mehefin. Cyflwynwyd yr adnoddau hyn yn ystod sesiynau grŵp ar ddau destun pwysig: “Adnoddau Dwyieithog ar gyfer y Cymhwyster Sylfaen trwy Moodle” a “Datblygu Adnoddau Lefel 3,” dan arweiniad ein cydweithwyr o Grŵp NPTC.

Ar gyfer y rhai sy’n addysgu Adeiladu Lefel 3, mae nifer o gyflwyniadau PowerPoint a thaflenni gwaith sydd wedi’u llunio’n arbennig ar gyfer Unedau 301, 302 a 303. Mae’r adnoddau hyn wedi’u teilwra i gefnogi’r profiad dysgu ac addysgu wrth gyflwyno’r unedau hyn.

Mae’r adnoddau Lefel 3 ar gael yn Saesneg yn unig ar hyn o bryd. Fodd bynnag, rydym yn bwriadu cael cyfieithiadau yn y dyfodol.

Mae Canllawiau Cyflwyno digidol ar gael am ddim ar gyfer y cymhwyster hwn. Mae’r adnoddau hyn wedi cael eu dylunio i helpu i gyflwyno unedau gorfodol a dewisol y cymhwyster, gan gynnig cefnogaeth gyffredinol i diwtoriaid wrth gyflwyno unedau crefft newydd. Bydd hyn yn ei gwneud hi’n gyflymach ac yn haws ysgrifennu cynlluniau gwaith ac yn sicrhau bod y cynnwys iawn yn cael sylw.

Mae’r cymorth yn cynnwys enghreifftiau o’r canlynol:

• deddfwriaeth, rheoliadau, dogfennau a chanllawiau perthnasol
• systemau gweithdrefnau gwaith diogel
• cyngor ymarferol priodol
• unrhyw gyfarpar arbenigol sydd ei angen a sut mae ei ddefnyddio
• dulliau/technegau da i’w defnyddio
• egwyddorion mathemategol/gwyddoniaeth sylfaenol sy’n sail i’r uned.

Mae adnoddau ychwanegol hefyd ar gael ar gyfer Uned 201 a 202. Mae’r adnoddau yn cynnwys cynlluniau gwaith, cyflwyniadau Pwynt Pwer, taflenni gwaith a chwestiynau amlddewis.

Adnoddau dysgu ac addysgu

Mae Canllawiau Cyflwyno digidol ar gael am ddim ar gyfer y cymwysterau hyn. Mae’r adnoddau hyn wedi cael eu dylunio i helpu i gyflwyno unedau gorfodol ac unrhyw unedau dewisol y cymwysterau, gan gynnig cefnogaeth gyffredinol i diwtoriaid wrth gyflwyno unedau crefft newydd. Bydd hyn yn ei gwneud hi’n gyflymach ac yn haws ysgrifennu cynlluniau gwaith ac yn sicrhau bod y cynnwys iawn yn cael sylw.

Mae’r cymorth yn cynnwys enghreifftiau o’r canlynol:

• deddfwriaeth, rheoliadau, dogfennau a chanllawiau perthnasol
• systemau gweithdrefnau gwaith diogel
• cyngor ymarferol priodol
• unrhyw gyfarpar arbenigol sydd ei angen a sut mae ei ddefnyddio
• dulliau/technegau da i’w defnyddio
• egwyddorion mathemategol/gwyddoniaeth sylfaenol sy’n sail i’r uned.

Adnoddau dysgu ac addysgu

Mae’r Cymhwyster Sylfaen mewn Adeiladu a Pheirianneg Gwasanaethau Adeiladu yn darparu cyflwyniad eang i’r maes adeiladu a’r amgylchedd adeiledig. Mae wedi’i ddatblygu ar gyfer unigolion sy’n gweithio, neu’n bwriadu gweithio, yn y sectorau hyn.

Mae wedi’i anelu at ddysgwyr sy’n cyflawni dysgu seiliedig ar waith, sydd mewn addysg bellach neu sydd mewn dosbarthiadau chweched dosbarth mewn ysgol. Bydd y cymhwyster hwn yn galluogi dysgwyr i fynd ymlaen i astudio amrywiaeth o gyrsiau Adeiladu a Pheirianneg Gwasanaethau Adeiladu Lefel 2 neu 3 eraill sy’n berthnasol i’r grefft sydd o ddiddordeb iddynt.